Bolalardagi gijjalar muammosi ota-onalar uchun jiddiy tashvishdir. Statistik ma'lumotlarga ko'ra, bolalarning 80% i hayoti davomida hech bo'lmaganda bir marta parazitlar bilan kasallanadi.

Gijjalarning asosiy belgilari

Bolada parazit borligini quyidagi belgilar bo'yicha gumon qilish mumkin:

Anal sohada qichish (ayniqsa kechqurun va tunda)
Tirnoq tishlash va barmoqlarni og'ziga olib borish odati
Notinch uyqu va uyqu paytida tish g'ichirlatish
Tushuntirib bo'lmaydigan charchoq va bo'shashish
Ishtahaning keskin o'zgarishi — yo ko'payishi, yo kamayishi
Terida toshmalar va allergik reaktsiyalar
Ko'z atrofidagi qora halqalar

Yuqumlilik yo'llari

Parazitlar asosan iflos qo'l, yuvilmagan meva va sabzavotlar, kontakt orqali yuqadi. Hayvonlar bilan o'ynagandan keyin qo'l yuvish ham juda muhim.

Eng keng tarqalgan parazit turlari

Askarida — ichakda yashaydi va to'liq hayotiy sikl bilan qayta infeksiya beradi
Ostritsa — anal sohada qichish keltirib chiqaradi
Lyamblya — ichimlik suvi orqali yuqadi
Pakana gijja — kichik o'lchamli lekin xavfli

Tabiiy davolash usullari

Tabiiy o'simliklar — qovoq urug'i, qora sedana, dastarbosh, makkai sano kabilar — gijjalarni karaxtlash va organizmdan chiqarib yuborish xususiyatiga ega. Ular bola organizmiga zarar yetkazmasdan ta'sir qiladi.

Profilaktika

Bolaga qo'llarini muntazam yuvishni o'rgating, mevalarni yaxshilab yuvib bering, ichimlik suvini filtirlash, hayvonlardan keyin qo'l yuvish. Yiliga 1-2 marta profilaktika kurslari o'tkazish tavsiya etiladi.

Muhim: shifokor maslahatisiz hech qanday dori bermаng. Tabiiy qo'shimchalar ham mutaxassis nazorati ostida qabul qilinishi kerak.